सूची से काटे गये पात्रन खे नाम

बताउत समस्या
बताउत समस्या

जिला महोबा, ब्लाक कबरई, गांव रिवई सुनैचा। जा गावं 2013-14 में लोहिया समग्र पंचायत भओ हतो। जीमे आदमियन को आरोप हे कि दसन पात्र आदमियन के नाम सूची से प्रधान ओर सचिव ने काट दये हें।
मनोज पुत्र राजेश, कन्धी पुत्र मर्रा ओर सुन्दर पुत्र दिबिया ने बताओ कि हमाये कच्चे घर बने हें। हम बनी-मजदूरी करके गुजारा करत हें।
चुनबाद पुत्र दुल्ला ओर गयादीन पुत्र दुल्ला ने बताओ कि बी.पी.एल. ओर लोहिया आवास की सूची में होंय खे बाद भी हमाये सूची से नाम काट दये हे। प्रमोद कहार बताउत हेकि में भूमिहीन आदमी हूं। मेने प्रधान ओर सचिव से केऊ दइयां आवास खे लाने कहो हे। पे ऊ अश्वासन के अलावा कछू नई कहत हे।
सचिव सुर्दशन नामदेव ने बताओ कि पुरानी लिस्ट में जीखे नाम हते, ओई के आवास बनत हे। आदमी झूठ बोलत हे। हमाये एते दरखास आई हती तो हमने रिपोर्ट बना के एस.डी.एम. के एते भेज दई हे, आदमियन के पक्के घर बने हे।