सूखा राहत के तहत गांव मा नहीं बंटा किट

sukha wचित्रकूट जिला, ब्लाक रामनगर,गांव बल्हौरा, मजरा पियरिया कला के मड़इन का आरोप हवै कि उनका समाजवादी सूखा राहत के तहत किट नहीं मिला आय। यहिके खातिर 3 मई का तहसील मा लिखित दरखास दीन गे पै कउनौ ध्यान नहीं दीन गा हवै।
पुरवा के संगीता, कुसमा, रामकली अउर नगीना का कहब हवै कि हम लोगन के अन्तोदय कार्ड बने हवै। हमरे लगे एकौ बिसुवा जमीन तक नहीं आय। मंहगाई होय के कारन दुई जून पेट भर खाये का तरसित हन। सरकार गरीबन खातिर समाजवादी सूखा राहत के तहत दस किलो आटा, पच्चीस किलो आलू एक किलो देशी घी, पांच किलो चना के दाल अउर दूध पाउडर नहीं मिला।
कोटेदार मुनेश चन्द्र कहिस कि सूखा राहत के तहत अबै गांव मा किट नहीं बंटा हवै। जबै किट अइहैं तौ मड़इन का किट मिल सकत हवै। मऊ एस. डी. एम. राममूर्ति त्रिपाठी कहिन कि सरकार कइती से वा गांव खातिर समाजवादी सूखा राहत के तहत किट नहीं आय हवै। जइसेन किट अइहैं तौ दीन जइहै।

रिपोर्टर – सुनीता देवी