सूखा घोषित की मांग

m taja paje kisan dharnaजिला महोबा, ब्लाक जैतपुर, कुलपहाड़ तहसील में 20 अक्टूबर खा पनवाड़ी ओर जैतपुर ब्लाक के किसान यूनियन ने एक दिन को धरना प्रर्दशन करो हे। तहसीलदार खा ज्ञापन देके मुख्यमंत्री खा भेजो ओर सूखा घोषित करें की मांग करी हे।
किसान रामप्यारी कहत हे की हमाये खेत में ई साल कछू नई भओ हे। मूंगफली, मूंग, उड़द ओर तिल बोई हती। जोन खेतई में सूख गई हे। खेतन में धूल उड़त हे।
मुन्ना कहत हे की परिवार में चार आठ आदमी हें खेती तीन साल से एकऊ साथ नईं देत हे। हम लोग एक एक रूपइया के खर्चा खा मोहताज हे।एसे मे किसान की मोत न हो हे तो का खुशी से झूमे। अगर अब कोनऊ किसान की मोत हो हे तो ऊखी जिम्मेंदार सरकार हो हे। राष्ट्रीय महामंत्री गजबदन शुक्ला ओर राष्ट्रीय उपाध्यक्ष श्रवण कुमार बताउत हे की हमने प्रधान मंत्री ओर मुख्यमंत्री खा ज्ञापन भेज के सूखा घोषित की मांग करी हे। किसान भुखमरी के कगार में आ गओ हे। अगर सूखा घोषित न होहे तो हम आर पार की लड़ई लड़हे।
तहसीलदार रामजी कहत हे की हमने लिखित 19 अक्टूबर खा ज्ञापन भेज दओ हतो। किसान परेशान न होंय सूखा घोषित हो गओ हे। हम पेहले से ही इन्तजाम करत हे।