सूखा के साथै अब ठण्डी ढाइस कहर

kasba se karvi nagarpalika neelam krvariyaरामनगर ब्लाक के लगभग दस गांव के मड़ई कहिन कि ठण्डी से सब गरीब लोग परेषान हवैं। पहिले भगवान सूखा के मार मारिस। अब ठण्डी मार रही हवै। हमार साथ तौ भगवान भी नहीं देत हवै। हमरे पास न तौ खाय का हवै न बिछावैं का। सूखा के कारन पइसा भी नहीं हवै। सरकार अलाव तौ जलवावत हवै, पै वहिसे भूख तौ नहीं मिट सकत हवै। सरकार हमरे खातिर खाय पियै के जइसे भी व्यवस्था करवावैं का चाही।
मानिकपुर के खिचड़ी गांव मिठाई लाल कोल 70 साल के मौत ठण्डी के कारन होइगे। या घटना 24 दिसंबर के हवै। या माहौल का देख के मानिकपुर एस. डी. एम. गांव मा दुइ सौ लोगन का कम्बल बंटवाइन। साथै मरै वाले परिवार का पचास पचास किलो अनाज बांटा गा।
मऊ ब्लाक के कोलमजरा गांव समेत कइयौ गांव मा तहसील के तरफ से 24 दिसंबर 2015 का कम्बल बंटवाये गंे हवैं। लोगन का कहब हवै कि कम्बल बांट तौ रहे हवैं, पै एक कम्बल से ठण्डी तौ नहीं कट सकत हवैै। कोलमजरा संतनगर मा 24 कम्बल कलचिहा 15, बोझ पुरवा मा 15 कम्बल बांटिन हवै।
तहसीलदार गुलाब सिंह का कहब हवै कि कुल कम्बल 1250 आवा रहै सब बांट दीन गें हवै।
कर्वी ब्लाक के भैरो पागा, कालूपुर अउर षोभा सिंह गांव के मड़ई कहिन कि हमरे हिंया तौ अबै कम्बल भी नहीं बंटे हवै अउर न अलाव जले हवै।
कर्वी कस्बा के मोहन, अवधेष समुद्री अउर गोपाल कहिन कि नगर पालिका कइती से अलाव जलवाये  हवैं।
या मामला मा नगर पालिका अधिषाषी अधिकारी लाल चंद्र सरोज कहिन कि मड़इन का ठण्डी से बचावै खातिर जघा जघा अलाव जलावाये गें हवैं। कर्वी बस अड्डा, रेलवे स्टेषन सीतापुर रैनबसेरामा यात्रिन का रुकै। के व्यवस्था भी करवाई गे हवै।
नगर पालिका अध्यक्ष नीलम करवरिया कहिन कि सरकार अबै अलाव जलवावैं खातिर कउनौ बजट नहीं भेजिस हवै। नगर पालिका अपने कइती से अलाव के व्यवस्था करवाइस हवै।