सार्वजनिक शौचालय गंदगी से भरल

e
गंदगी से भरल सार्वजनिक शौचालय

जिला सीतामढ़ी, प्रखण्ड, पंचायत, गांव सोनबरसा। उहां चैक पर रामजानकी मंदिर के सामने टेम्पू स्टैण्ड में एगो सार्वजनिक शौचालय हई। जे काफी गंदगी से भरल हई। लेकिन उनकर सफाई न होय के कारण लोग के शौच जाये में बहुत दिक्कत होई छई अउर चारो तरफ वातावरण दुषित हो रहल हई।
उहां के लोग सब अजय कुमार, सुरेश कुमार, दुलारी देवी कहलथिन कि ऐतेक बड़ा इ शौचालय सफाई के बिना बेकार पड़ल हई। चार गो रूम, एगो चापाकल महिला शौचालय के लेल अउर चार गो रूम एगो चापाकल पुरूष शौचालय के लेल बहुत दिन पहिले बनलई। कुछ दिन साफ रहई त ऐई शौचालय में मंदिर में रहे वाला लोग अउर अगल-बगल के दुकानदार के साथ अउर भी लोग एकर उपयोग करईत रहलथिन। उ सब चंदा लगाके पहिले सफाई करबईत रहलथिन। लेकिन अभी त कोई ध्यान न देई छई। दुनु चापाकल भी खराब हई अउर सब रूम गंदगी से भरल हई। पुरूष वाला एगो रूम चालु कयले हई। जेइमें गंदगी पर पैड़ रख के जाए पड़ई छई। मुखिया संजय कुमार महतो कहलथिन कि दु बेर अपन रूपईया लगाके साफ करवा देले रही। एकर सफाई के लेल कोई फण्ड न अबई छई, जेईसे हम सफाई कर्मी के रख दियई। एक बेरी सफाई कर्मी के रख देले रही अउर उहां के लोग सबके कहले रही कि पांच-पांच रूपईया प्रत्येक महीना सब आदमी चंदा लगाके सफाई करा देवे ला। लेकिन कोई लोग न सुनई छथिन। एकर सफाई करवे के लेल पंचायत में कोई फण्ड न हई।