सामूहिक बलात्कार कै जांच शुरू

जिला अम्बेडकर नगर, ब्लाक कटेहरी। एक विधवा दलित मेहरारू के साथे हिन्दू युवा वाहिनी कै जिला अध्यक्ष सूर्यमणि यादव अउर उनके दुई साथी मिलके 8 अक्टूबर 2014 का सामूहिक बलात्कार करिन। मेहरारू के बयान पै केस दर्ज भै बाय। गिरफ्तारी करै खातिर पुलिस छापा मारत बाय।
मेहरारू बताइस कि हम अकबरपुर से घरे जात रहेन। सवारी से उतरेन तौ सूर्यमणि बुलाइन कहिन सुना कुछ जरूरी काम बाय। बहलाए फुसलाय के अपने कमरा पै लै गइन। उनके दुई साथी सभाराम, राजितराम अउर सूर्यमणि यादव तीनौ जनें मिलके सामूहिक बलात्कार करिन। अकबरपुर कोतवाली मा तीनौ जने के नाम केस दर्ज करायन।
अकबरपुर कोतवाली कै दीवान यावर अली बताइन कि घटना कै स्थान अकबरपुर कोतवाली मा लागाथै। एस.पी. के आदेष से केस दर्ज भै बाय। विवेचना सी.ओ. का सौपा गै बाय।
सी.ओ. सदर इन्दू सिद्धार्थ बताइन कि मेहरारू कै मेडिकल जांच कराय गा। रिपोर्ट मा सही जानकारी सामने आय गै बाय। गिरफ्तारी कै काम तेज कई दीन गा बाय।
एस.पी. उमेष श्रीवास्तव बताइन कि आरोपी के तलास मा पुलिस टीम तैयार कई कै 28 अक्टूबर कै उनके घरे पहितीपुर छापा मारा गै रहा। लकिन पकर मा नाय आइन। पुलिस कै टीम तलाष खातिर लखनऊ भेजा जाये। जल्दी ही हिन्दू युवा कै जिला अध्यक्ष सूर्यमणि यादव का गिरफ्तार कइके जेल भेजा जाये।