सामुदायिक स्वास्थ्य केन्द्र मा खराब मशीन

जिला अम्बेडकर नगर, ब्लाॅक कटेहरी सामुदायिक स्वास्थ्य केन्द्र। ह्रिआ दुई महीना से एक्सरा मशीन खराब बाय। यकै सुधि केहू जिम्मेदार अधिकारी नाय लियत हइन। मरीजन का प्राइवेट कै सहारा लियै का परत बाय।
कटेहरी बाजार कै अभिमन्यु अउर विपिन बताइन कि सी.एम.ओ. जिला अस्पताल कै निरीक्षण तौ कराथिन लकिन कटेहरी सामुदायिक स्वास्थ्य केन्द्र बीमार पड़ा बाय। एक्सरा मशीन बाटर फ्रीज सब खराब पड़ा बाय। हिंआ तक की डाक्टर दवाई वहिरे से लिख दियाथिन। मरीजन के साथे छलकपट किया जात बाय। एक्सरा मशीन खराब हुवय से सब मरीजन का काफी दिक्कत झेलै का परत बाय।
सामुदायिक स्वास्थ्य केन्द्र कै प्रभारी अधीक्षक पवन कुमार कै कहब बाय कि एक्सरा मशीन खराब बाय। यकरे मरम्मत के ताई मांग कियागै बाय। जल्दी ही मशीन बनिं के आय जाये। ज्यादातर दवाई अन्दर से दिया जाथै। जवन दवाई मौके पै नाय रहत मजबूरन दवाई बाहर से लिखै का पराथै।