सेहतमंद मां और बच्चा – सामुदायिक स्वास्थ्य केन्द्र मा हुवत लापरवाही

जिला अम्बेडकर नगर, ब्लाक कटेहरी, गांव मूसेपुर गिरन्ट, मजरा कौड़हा। हिंआ कै एक गर्भवती मेहरारु सामुदायिक स्वास्थ्य केन्द्र कटेहरी मा 2 अप्रैल 2014 का पूरी रात दर्द से परेषान होइके कहरत रही। लकिन केहू डाक्टर स्टाप नर्स ध्यान नाय दिहिन। हालत ज्यादा गम्भीर भै तौ जिला अस्पताल रेफर कै दिहिन।
अजय कुमार बताइन कि 2 अप्रैल 2014 का षाम के समय सामुदायिक स्वास्थ्य केन्द्र मा अपने मेहरारु प्रियंका का भर्ती करायन। जब बहुत देर बाद एक नर्ष आई तौ पइसा मांगै लाग । कहिस पइसा देबा तबै इलाज होये। अजय कै कहब बाय कि पइसा नाय दै पायन तबै प्रियंका कै इलाज नाय भै। पूरी तरह दर्द से कहरत रहिन लकिन कउनौ दवाई नाय दिहिन। कइयौ दांय डाक्टर से कहेन लकिन केहू कै दिल नाय पसीजा। सबेरे जब प्रियंका कै हालत बिगड़ गै तौ डाक्टर जिला अस्पताल रिफर कै दिहिन। एम्बूलेन्ष से प्रियंका का जिला अस्पताल लै गइन। अजय डी.एम. से षिकायत करै कै बात कहिन ।
सामुदायिक स्वास्थ्य केन्द्र कै प्रभारी मुकेष चन्द्र मिश्रा बताइन कि यकै जानकारी हमका नाय बाय।
सी.एम.ओ. डाक्टर बी.पी. सिंह बताइन कि यकरे बारे मा कउनौ षिकायत नाय मिली बाय। यहि मामला कै जांच कराय जाये। दोषियन के खिलाफ कड़ी कार्यवाही कै जाये।