सामान के साथे जर ओरत की मोत

04-09-14 Mahoba Gaon - Aagजिला महोबा, ब्लाक कबरई, गांव पसवारा। एते 28 अगस्त 2014 खा रात 11 बजे राजरानी के घर में आगी लग गई हती। जीसे सामान के साथे 70 साल के राजरानी की जले से मोत हो गई हे। जीसे राजरानी खे परिवार वाले दैवीय आपदा के तहत मुआवजा की मांग करत हें।
राजरानी के लड़का परसराम ओर भवानीदीन ने बताओ कि हम दोनऊ भाई अलग रहत हते। मताई अलग घर में रहत हती। रात में मच्छर लागे के कारन धुंआ पास में धर लओ हतो। जीसे हवा लागे के कारन धुआं तेजी से जलन लगो ओर कमरा में आगी लग गई। जभे हमाई आंख खुली तो पूरो कमरा जलत हतो हम चिल्लाने तो सब मोहल्ला खेे आदमियन ने जाग के द्वारे में लगे हैण्डपम्प सेे आगी बुझाई हे। हम अपने मताई खा लेके महोबा जिला अस्पताल लाये। जिते डाक्टर ने मरा बताओ हे। आगी लगे से कमरा में धरो समान जल के राख हो गओ हे। जीमें लगभग बीस हजार को नुकसान भओ हे। ईखी सूचना हमने लेखपाल खा दई हे।
कबरई कानूनगो कालूराम ने बताओ कि ओते की जांच की रिपोर्ट आ गई हे। ऊखे लड़कन ने बयान में मच्छर लागे के कारन आगी लागे को बयान दओ हे। ऊ दैवीय आपदा के तहत नई आउत हे, ऊखें मुआवजा न मिलहें।