साफ सफाई खातिर दिहिन प्रशिक्षण

जिला चित्रकूट, ब्लाक मऊ, कस्बा मऊ। हिंया ब्लाक मा बांदा जिला बड़ोखर खुर्द ब्लाक के जिला ग्राम्य विकास संस्थान कइती से 20 अगस्त 2014 से 3 सितम्बर 2014 तक प्रशिक्षण दीन गा हवै। या प्रशिक्षण दें का उद्देश्य रहै कि पानी के साफ सफाई का ध्यान कसत रखा जा सकत हवै। या प्रशिक्षण समिति के कोषा अध्यक्ष एस.पी. श्रीवास्तव दिहिन। प्रशिक्षण मा लगभग डेढ़ सौ मड़ई शामिल रहैं।
जिला ग्राम्य विकास संस्थान के कोषा अध्यक्ष एस.पी. श्रीवास्तव का कहब हवै कि प्रशिक्षण दें का उद्देश्य हवै कि मड़ई पानी के साफ सफाई का ध्यान राखैं। काहे से कि गंदा पानी पियै से बीमारी फइलत हवै। यहिके खातिर पानी मा दवाई डारैं खातिर किट दीन गे हवै। या प्रशिक्षण देब बहुतै जरूरी हवै कि अगर हैण्डपम्प से गंदा पानी अउर किरवा निकरैं तौ ब्लीचिंग पाउडर डारब जरूरी हवै।
ब्लाक मऊ, गांव मनका के राजू अउर मंडौर गांव के केशव कहिन कि या प्रशिक्षण से हमका जानकारी मिली हवै कि साफ पानी का केत्ता महत्व हवैं। गंदा पानी पियंै से बीमारी होत हवै।