साधन न चलैं से होत समस्या

साधन के खोज मा
साधन के खोज मा

जिला चित्रकूट, ब्लाक मानिकपुर। हिंया लगभग तीन महीना से प्राइवेट साधन नहीं चलत हवै। रोडवेज बस का भी कउनौ भरोसा नहीं रहत हवै। यहै से आवैं जायें वाले यात्री एक-एक दिन बस बस अड्डा मा बइठे रहत हवैं। रोडवेज बस चलैं खातिर पन्द्रह दिन पहिले सांसद भैरों प्रसाद मिश्र का लिखित दीनगे हवै।
या समस्या का लइके सांसद भैरों प्रसाद मिश्र से बात कीनगे। उनकर कहब हवै कि यहिके खातिर केन्द्र सरकार का लिखित भेजा जई।
रानीपुर गांव के लखन अउर कल्याणपुर गांव के गुंथी समेत दस लोगन का कहब हवै कि साधन न चलै से बहुतै परेशानी झेलैं का परत हवै। या कारन रोजै का हजारन मड़ई परेशान हवै। काहे से कि या समय लगन चलत हवैं। यहै से मड़ई शादी मा साधन बुक कइ लेत हवंै। रोडवेज बस चलत भी हवैं तौ वा सुबेरे चार पांच बजे के बीच मा चलत हवै। हमका मानिकपुर आवत आवत आठ बज जात हवै। जबै कि प्राइवेट बस तेरह अउर जीप लगभग सत्तर चलत हवै। उंई लगन मा लाग हवै। यहै से यात्री भटकत रहत हवै। कर्वी जाये का साधन नहीं मिलत हवैं।