सात साल में ही ध्वस्त हो गया बांदा जिले के पलरा गांव का सचिवालय

बांदा जिले के पलरा गांव मा 2010-11 मा सचिवालय बनावा गा रहै पै आज या बिल्डिंग बिल्कुल जर्जर हालत मा है, यहै कारन हेंया कउनौ बइठक नहीं कीन जात आय। सचिव कमल यादव का कहब है कि सचिवालय के मरम्मत करावै लायक नहीं आय, यहै कारन हम स्कूल मा आपन मीटिंग करित है।
कमलेश का कहब है कि सचिवालय के बिल्डिंग नींक नहीं आय तौ हेंया मीटिंग नहीं होत आय। बीडीसी सदस्य सन्तोष का कहब है कि बिल्डिंग का मानक के हिसाब से नहीं बनावा गा आय यहै कारन येत्ती जल्दी टूट गे है। अगर हम घर बनाइत है तौ का पांच-दस साल मा टूट जात है, या तौ ठेकेदार के कमी आय, जउन इनतान के बिल्डिंग बनाइस है। जमुना का कहब है कि सब मड़ई मिल के सचिवालय बनावै का रुपिया खा लिहिन हैं या एक मड़ई का काम न होय।

रिपोर्टर- शिवदेवी

Published on Mar 23, 2018