सात महीना से नाय मिला मानदेय

नाय मिला मानदेय

जिला फैजाबाद, ब्लाक मया, गांव गोपालपुर गौहनिया प्राथमिक विद्यालय। हिंआ फरवरी 2013 से अपनी रसोइया का नाय मिला मानदेय।
लीलावती बताइन कि हमैं बिना बताये यहि सत्र मा निकार दिहिन अउर पूरा पैसा नाय मिला बाय। हमार मानदेय नाय दिहिन कहिन तोहार छुट्टी होय गै बाय। तेजबहादुर अउर सावित्री दुई जने बाटिन जबकि स्कूल मा लडि़कै वतना नाय हइन। सावित्री तेजबहादुर बताइन कि हमरेव सबका सात महीना से मानदेय नाय मिला बाय।
सहायक अध्यापक रफत बताइन कि हमरे हिंआ लडि़कन कै संख्या चालिस बाय। यही से एक रसोइया का छुट्टी दियै का परा। वै पहिले से कहत रहिन कि हम यहि साल खाना न बनाउब। यहि सत्र मा आवेदन फार्म नाय भरे रहिन। हमरे हिंआ खाली शिक्षामित्र, सहायक अध्यापक से स्कूल चलत बाय हेडमास्टर दुई साल से नाय अहैं।
खण्ड शिक्षा अधिकारी जमुना लाल यादव बताइन कि जे अपनी रसोइया कै हुवय वकै गेदहरा पढ़त हुवय। स्कूल मा कमसे कम सौ या अस्सी गेदहरै हुवय। ज्यादा वरीयता विधवा का दिया जा थै। स्कूल खुलै से पहिले फार्म भरै का परा थै।