ससुराल वाले करत प्रताडि़त

f mahila mudda fainal 1जिला फैजाबाद, ब्लाक तारुन, गांव  जयसिंहमऊ। यहिंके एक मेहरारू कै आरोप बाय कि लड़की पैदा हुवय के कारण ससुराल वाले मारत पीटाथिन। 22 नवम्बर का पूरे घर मा ताला लगाय के घर से निकारै कै प्रयास भी करिन।
प्रीती सिंह कै आरोप बाय कि 22 फरवरी 2011 का हमार शादी भै रही। हमार पति समरेन्द्र सिंह भारतीय नौसेना मा बाटे। शादी के साल भर बाद हमरे बिटिया भै तबै से आये दिन ससुर जेठ जेठानी मारत पीटत रहिन। हिंआ तक की बिना कउनौ बात 3 जुलाई का हमरे घरे तलाक कै नोटिस भेजिन। 7 अक्टूबर का अपने साथे लै जाए कै बहाना कइके हमैं हमरे बिटिया का साई प्लाजा होटल मा छोडि़के चला गइन। 22 नवम्बर का घर के हर कमरा मा ताला लगाय दिहिन। घर से निकारत रहिन। लकिन पुलिस के मदद से कुछ राशन अउर एक रूम दिहिन। हमै सिर्फ अपने पति कै साथ चाही। अपने बिटिया पीहू के साथे पति कै इन्तजार करब।
प्रीती कै ससुर सुधीर सिंह थाना मा दिये अप्लीकेशन मा लिखे हइन कि हम अपने छोट बेटवा समरेन्द्र कै विवाह वल्लीपुर निवासी जनपद अम्बेडकर नगर के श्रीमती प्रीती से करे रहेन। आये दिन विवाद हुवत रहा। बड़ी बहू कै स्वास्थ्य ठीक न हुवय से लखनऊ मा इलाज हुवत बाय। यइसे मा छोट बहू अकेल घर पै बाय। इनके साथ कुछ अनुचित हुवाथै तौ यकै जिम्मेदार हमरे सब न हुवब।