ससुराल मा मउत

b postmatarm haous fजिला बांदा, ब्लाक बबेरु, गांव बगेहटा। हेंया 2 अक्टूबर का सुबेरे ग्यारह बजे संतोष के औरत गुडि़या उमर बीस साल के मउत होइगे। 3 अक्टूबर का मउके मा पहुंचे  एस.डी.एम. के सउहें पुलिस पंचनामा भर के लाश का पोस्ट मार्टम खातिर भेज दिहिस है।
ब्लाक बड़ोखर, खुर्द लामा गांव निवासी गुडि़या के महतारी का कहब है कि मैं आपन लड़की गुडि़या के शादी 6 महीना पहिले बगेहटा गांव मा संतोष साथै करे रहौं। संतोष घर मा नहीं रहत रहा आय। ससुराल के लोग मारपीट के काम लेत रहे हैं। खाना नहीं देत रहे र्है। हमार लड़की फोन मा बतावत रही है, पै हम आपन लड़की का ही समझावत रहे हन। हमका का पता रहै कि उंई हमरे लड़की का जान से ही मार दइहैं। जबै 2 अक्टूबर का मोहल्ला वाले फोन करिन। तबै हम आय हन। हेंया पता चला है कि लड़की का मार के अपने बचैं खातिर फांसी का बहाना करैं खातिर टांग दिहिन हैं। जेहिमा उंई आपन बचाव कई सकै। अब तेरही संस्कार के बाद कारवाही कीन जई। ससुर चुनबाद का कहब है कि सास जेठानी अउर मैं खेत मा तिल काटैं चले गये रहन। मोर लड़का संतोष चार महीना से दिल्ली मा है। गुडि़या घर मा अकेले रहै। पता नहीं कउन दुख से वा फांसी लगा लिहिस हैं।