सरकारी सुविधा मा भी हेरा फेरी

12-09-13 Taza Schoolफैजाबाद अउर अम्बेडकर नगर मा गांव अउर बाजारन मा शौचालय तौ बनिगै बाय लकिन मनइन का इस्तेमाल करै लायक नाय बना। कहूं ताला लाग मिले तौ कहूं साफ सफाई नाय रहत। यइसे मा सरकार के योजना पै पानी फिर जात बाय।
सरकार लाखन करोड़न कै बजट दियाथै कि गांव अउर स्कूलन मा शौचालय हुवय जेसे मनइन का बाहर न जाए का परै। योजना गांव कस्बा तक तौ पहुंच जाथै मनइन का लाभ मिलाथै लकिन पूरा नाय। शौचालय बना तौ सकत जउने का मनई इस्तेमाल न कै सकै। अब स्कूल कै शौचालय देखा जाए तौ सफाई कर्मी रहते हुए भी कउनौ साफ -सफाई नाय रहत। यइसे मा सरकार के मंशा पै तौ पानी फिर जाथै। गांव मा जहां योजना पहुंचाथै वहूं मनइन का लाभ नाय मिलत। मनई चाह के भी वका इस्तेमाल नाय कै पउतिन।
गांवन के विकास के ताई बहुत सरकारी सुविधा आवाथै लकिन ऊसुविधा सही रूप मा गरीबन का मिलाथै। सोचै वाली बात ई बाय कि वका केहूं जांच करै वाला नाय रहत अगर जांच हुवय कि मनइन का कवन मेर से सरकारी सुविधा दीन जात बाय। तौ शायद मनइन का सही लाभ मिल सकै।