सरकारी ट्यूबवेल बिना खेती खराब

gaon - engine se sinchaai fainal
इंजन से करत सिंचाई

जिला फैजाबाद, ब्लाक मया, गाव काजीपुर गाडर। हिंआ पूरे गाव मा सरकारी ट्यूबवेल नाय बाय। यही से खेतन कै सिंचाई मा बहुतै दिक्कत हुअत बाय।
राजेन्द्र प्रसाद चैहान, सोमई, शुकई बताइन कि हमरे गाव मा सरकारी ट्यूबवेल न हुअय से फसल कै बहुतै नुकसान हुवत बाय। गेंहू, गन्ना, धान गर्मी के दिन मा तौ बहुतै दिक्कत बाय। काहे से हमरे सबकै खेत ऊंच पै बाय अउर न सबके पास इंजन बाय कि समय पै खेत के सिंचाई कै सकै। गर्मी मा पानी बहुतै नीचे चला जाथै तौ इंजन चलबै नाय करत फसल बेकार होय जा थै।
गोदरलाल, कलावती, माताप्रसाद बताइन कि हमरे सबके पास ज्यादा खेती नाय बाय। जवन थोर-थार बाय वही मा साग-सब्जी कै बोवाई करीथी। लकिन पानी न हुअय से सब्जी कै फसल तैयार नाय होय पावत। हर मौसम मा घाटा होय जाथै। कउनौ व्यवसाय नाय बाय कि वही से घर कै खर्चा चलै। ई पूरे गाव मा एक भी सरकारी ट्यूबवेल नाय बाय। केहू के पास आपन बिजली वाला इंजन बाय तौ उहौ मनई परेशान बाय। काहे से एक हफ्ता बिजुली नाय आय बाय अउर इंजन वाले मनई तेल लाय के दुखी बाटे। काहे से कि तेल यतना मंहग होय गै बाय। इंजन से सिंचाई करै मा लगभग चार सौ रुपया प्रति बिगहा खर्च होय जा थै।