सरकारी ट्यूबवेल कै जला मोटर

f tazaजिला अम्बेडकर नगर, ब्लाक भीटी, गांव मिझौड़ा। सरकारी ट्यूबवेल अगस्त महीना से मोटर जलिगै बाय। अबहीं तक नाय बना। किसान कै सारी कमाई माटी मा मिल जात बाय।
किसान विजय बहादुर, ओमकार, मुन्ना मिर्जा जैसे किसानन कै कहब बाय कि सितम्बर महीना बीत गै बरसात नाय भै। सरकारी ट्यूबवेल भी एक महीना से बिगड़ा बाय। हमरे सबके पास सिंचाई कै अउर कउनौ साधन नाय बाय। नलकूप विभाग वाले 10 सितम्बर का मोटर खोलिके लै गइन। अबहीं तक दूसर नाय लाग।
ए.डी.एम. रामसूरत पाण्डेय बताइन कि बारिस न हुवय से सूखा आपदा कै प्लान शासन का भेजा गै बाय। फसल नुकसान कै सर्वे कराय जाये। फसल सीचै के ताई नहर कै सफाई कराय गै बाय। खराब नलकूप कै भी मरम्मत कराय जात बाय।