सरकारी जमीन के ताई भै बवाल

taza final2जिला फैजाबाद, ब्लाक पूराबाजार, गांव रोषननगर। हिंआ 3 सितम्बर का सरकारी जमीन के कारण गांव कै मनई वसीर अहमद के घरमा तोड़ फोड़ करिन। प्रधान मनीराम बताइन कि ई जमीन सरकार कै आय वसीर कब्जा करत अहै। हम थाना मा सबेरे पांच बजे सूचना देहे रहेन केहू नाय आय। तब हम रोकै गयन तौ मारपीट अउर फायरिंग करिन। जेसे गांव वाले उनके घर पै हमला बोल दिहिन। गांव कै मनई बताइन कि वसीर प्रधान पै फायरिंग करिन लकिन वहि जगह पूरे गांव कै मनई रहिन केहू के भी लाग सकत रही। सब दिवाल के पास छुप गइन जेसे गोली केहू के नाय लाग। यकरे बावजूद भी पुलिस वसीर के घर मा तलासी नाय लिहिन। वसीर बताइन कि यहि जमीन के ताई हम सरकार से केस लड़त हई तौ हमार फैसला सरकार से होये। 19 अगस्त का एक बार दिवाल गिराय देहे रहे। हम फिर से दिवाल बनावत रहेन तौ 3 सितम्बर का फिर बवाल भै। थाना अध्यक्ष राजेष यादव बताइन कि हमरे मना करै के बावजूद प्रधान जाए के रोकै लागे। जब हंगामा भै तौ हमैं बचावै का रहा। मजदूरन का कहत रहे कि हथियार लइके मनई का बुलाये रहे। यहि स्थिति मा हम वसीर के घर कै तलासी कइसे लीत। प्रधान के तरफ से एफ.आई.आर. दर्ज बाय अउर वसीर कै तहरीर मिली बाय।