समिति कै भवन जर्जर

taza final (1) copyजिला अम्बेडकर नगर ब्लाक कटेहरी ग्राम पंचायत खेमापुर। हिंआ बना साधन सहकारी समिति अटवाई सम्सुद्दीनपुर कै भवन एकदम जर्जर होई गै बाय। सचिव दुबारा निर्माण करावै कै मांग विभाग से करिन।
साधन सहकारी समिति कै सचिव पारसनाथ बताइन कि 40 साल पुरान भवन दसन साल से जर्जर भै बाय। कइयो आवेदन दै चुकेन दुबारा निर्माण खातिर मांग कीनगै। किसानन का बहुत दिक्कत होई जाथै जवन खाद आवाथै तुरन्त बांट दिया जाए तब तौ ठीक रहा थै। नाहीं तौ बरसात होई जाए से पूरा भवन चुआथै। सब खाद भीग जाथै। सोसाइटी कै भवन एतना जर्जर होई गै बाय कि कभौं गिर सकाथै। घटना भी घटि सकाथै। लगभग पन्द्रह दिन पहिले लखनऊ से कुछ अधिकारी आए रहिन जवन कि बनै के ताई आश्वासन दइके गै हईन।