समिति कार्यालय जर जर

जिला चित्रकूट, ब्लाक रामनगर , कस्बा रामनगर, सहकारी समिति कार्यालय। हिंया के सचिव सुखलाल कहिन कि या छत पांच साल से जर जर हवै। बारिस मा पानी टपकत हवै तौ पंखा खाद अउर बीज पानी पड़ै से खराब होइ जात हवैं। यहै से हम 19 मई 2015 का समिति के अध्यक्ष रंती देवी से कहा गा हवै। हिंया के सचिव सुखलाल बताइन कि समिति मा बरसात के समय हमार बइठब मुश्किल होइ जात हवै। हम तौ भीगित हन। साथै खाद बीज भी खराब होत हवै। या से किसान खाद अउर बीज नहीं लेत आय। जउन हमार रजिस्टर धरे रहत हवै उंई भी भीग जात हवंै। यहिसे बहुतै परेशानी होत हवै। समिति के अध्यक्ष रंती देवी का कहब हवै कि बजट नहीं आय। बजट अई तबहिने काम होइ सकत हवै।