सबसे ज्यादा वोटन से करी जीत

m tazaप्रधानी के चार चरन में होये वाले चुनाव 273 प्रधानन ने जीत हासिल करी हे। कबरई ब्लाक के भड़रा गांव की सबसे पेहले जीत की घोषणा करी हती। जिते राजाराम रैकवार प्रधान पद में चुने गये हते।
जीते वाले के साथी ओर परिवार वाले खुशी से फूल माला पहना के गुलाल उड़ाउत हते ओतई हरे वाले के परिवार वालेन के मुंह से मुस्कान उड़ गई हती। जैतपुर ब्लाक में सबसे ज्यादा वोटन से जीते वाली महिला प्रधान प्रत्यासी सरोज हे।
सरोज कहत हे 52 साल उमर में पेहली दइयां चुनाव में 1528 वोटन से जीती हों। जेसई जनता ने मोओ साथ दओ हे ऊसई में भी जनता को साथ देहों। कक्षा पांच तक पढ़ी हो। मोओ परिवार पेहले से राजनिति से जुड़ो हे। आदमी ओर ससुर ब्लाक प्रमुख रहें। देवर समाजवादी पार्टी दो दइयां जिला पंचायत को सदस्य रहो हे। चाचा ससुर ओर चाची सास प्रधान रहे। सबसे पेहले विकास, सरकारी योजना, ओर शिक्षा केती ज्यादा ध्यान दओ जेहे। अजनर में 17 लोग प्रधान प्रत्यासी के पद में ठाड़े हते। वर्तमान प्रधान के छोट भाई की ओरत खा हराओ हे। पूरे वोट 33033 वोट परे जीमें 1528 वोटन से जीत हासिल करी हे।