सपा में लंबे सफर के बाद पहली बार चुनाव मैदान में उतरे हैं, चित्रकूट के मानिकपुर से सम्राट सिंह गौतम

जिला चित्रकूट, ब्लाक मानिकपुर, कस्बा मानिकपुर। नगर पंचायत अध्यक्ष पद खातिर सपा पार्टी कइत से सम्राट सिंह गौतम चुनावी मैदान मा उतरे हवै। 1997 से सम्राट सिंह सपा पार्टी के सदस्य हवै। प्रचार करै खातिर सम्राट सिंह सपा पार्टी के काम गिना के वोट मांगत हवै।
समाजवादी पार्टी के उम्मीदवार सम्राट सिंह गौतम आपन जिन्दगी अउर चुनावी सफर के बारे मा बतावत हवै की मैं इंटर तक के पढ़ाई स्वर्गीय कीने हौं अउर बाली बाल खेलब पसंद हवै मोर रेलवे में कैंटीन का धंधा हवै घर मा अकेले होय के बादौ मैं आपन धंधा अउर राजनीती मा समय देते हौं।1997 मा मैं लोहिया वादी जिला महासचिव बना रहेव फेर 1998 मा लोहिया वादी का जिला अध्यक्ष बनेव सपा पार्टी से हमार पारिवारिक जुड़ाव रहा हवै। मोर बाप स्वार्गीय संग्राम सिंह सपा पार्टी से 1990 मा तिंदवारी विधानसभा से चुनाव लड़े रहै।
नगर पंचायत मा जनता मौका देई तौ सड़क,नाली,पानी अउर पार्क जइसे सुविधा दे का वादा करत हौं। जउन उम्मीदवार रूपया अउर दारु जनता का बांटत हवै। वा जीते के बाद जनता के गला दबा के सब निकाल लेत हवैं। यहिसे जनता का होशियार होइके आपन वोट दे का चाही सम्राट सिंह आपन शौक के बारे  मा बतावत हवै की मोहिका हरा भार पेड़ लगावब पसंद हवै काहे से या पर्यावरण खातिर अच्छा हवै।
बाईलाइन-सहोद्रा और सुनीता देवी

Published on Nov 15, 2017