सदमा से करिस आत्महत्या

गोहार लंगावत इच्छाराम
गोहार लंगावत इच्छाराम

जिला बांदा, कस्बा बबेरू, मोहल्ला सर्राफा बाजार। हेंया का इच्छाराम बताइस कि वहिकर लड़का विवेक कुमार 29 सितम्बर 2013 आत्महत्या कई लिहिस। काहे से औगासी रोड का रहै वाला काशीराम का लड़का नीरज विवेक का बहुतै मारिस रहै।
इच्छाराम का रो-रो के हाल खराब है। वा कहिस औगासी रोड मा जाम लाग रहै। मोर लड़का साइकिल मा रहै अउर नीरज मोटर साइकिल मा रहै। साइकिल अउर मोटर साइकिल का टक्कर लाग गा। या बात का लइके नीरज मोरे लड़का का भरी बाजार के बीच बहुतै मारिस। मोर लड़का घर आ के हमैं घटना के बारे मा कुछौ नहीं बताइस अउर फंासी लगा के जान दई दिहिस।
काशीराम के मेहरिया मुन्नी बताइस कि मोर लड़का नहीं मारिस आय। उंई झूठ बोल के हमैं फसावैं चाहत हैं।
बबेरू कोतवाली का मुंशी कर्ण सिंह का कहब है कि नीरज के खिलाफ धारा 323, 504 अउर 506 के तहत मुकदमा लिखा गा है। धारा 323 मारपीट, 504 गाली गलौज अउर 506 मारैं के धमकी दें के खिलाफ कारवाही करत है।