सड़क बनवाई जई

सड़क का हवै या हाल
सड़क का हवै या हाल

चित्रकूट जिला के गांवनमा सड़क के समस्या से मड़ई जूझत हवंै। सड़क बनवावै खातिर प्रधान से कहा जात हवै, पै सड़क जस के तस हवै।
ब्लाक मानिकपुर, गांव निही पुरवा चरैया। हिंया के राममिलन, हेमराज अउर पे्रमा समेत लगभग बीस लोगन का कहब हवै कि दुइ किलो मीटर सड़क लगभग तीस बरस से नहीं बनी आय। रोज का हजारन मड़ई खराब सड़क के समस्या से जूझत हवै। सड़क खराब होय के कारन आवैं जाये मा एक घंटा के जघा दुइ घंटा लागत हवै। सड़क बनवावैं खातिर मानिकपुर तहसील मा एक महीना पहिले लिखित भी दीने हन। तबहूं सड़क नहीं बनी हवै। मानिकपुर विधायक चन्द्रभान पटेल का कहब हवै कि बरसात के बाद सड़क बनवावैं का काम शुरू होइ।
ब्लाक मऊ, कस्बा बरगढ़। हिंया के इकरार खान, पप्पू अउर सुनील कहिन कि पांच महीना से बरगढ़ मोड़ तक लगभग पांच किलो मीटर सड़क खराब हवै। सड़क मा गढ़वा हवंै। बरसात मा गढ़वन मा पानी भर जात हवै। यहै से गंदे पानी के छींटा मड़इन के कपड़ा मा परत हवंै। यहिसे उनके कपड़ा गंदे होइ जात हवैं। पी.डब्लू.डी विभाग के सहायक अभियंता सुरेश कुमार कहिन कि बजट आवैं के बाद सड़क बनी।