सड़क कै हालत खराब

19-08-15 Faizabad Gaon road webजिला फैजाबाद। हिंआ स्टेशन से कृषि विभाग, जलनिगम होते हुए डीएम आवास जाए वाली सड़क गड्ढा मा बदलिगै बाय। कभौं भी बड़ा हादशा होय सकाथै लकिन शासन प्रशासन कै ध्यान इधर नाय बाय।

आवै जाए वाले मनई रामगुलाब अउर पवन कै कहब बाय कि सड़क यतनी गहरी होयगै बाय कि आवै जाए कै जगह नाय रहिगै बाय। किनारे किनारे मनइन कै दकान बाय वहि तक पानी भरिगै बाय। जेसे काफी समस्या बाय।

कृषि विभाग के अधिकारी कर्मचारी कै कहब बाय कि ई सड़क सीधे डीएम कार्यालय का जाथै। तबौ यकै मरम्मत नाय हुवत बाय। चैबिसौ घंटा ट्रक चलै से ई सड़क गड्ढ़ा मा बदलिगै बाय। जबकि यहि सड़क के किनारे किनारे जलनिगम गन्ना अधिकारी कार्यालय श्रम विभाग अउर कृषि विभाग जैसेन कइयौ विभाग बाय। तबौ यतनी बड़ी समस्या बाय। गांव कस्बन कै तौ अलग बाय।