सड़क के बीच-बीच मा भरा पानी

जिला अम्बेडकर नगर, ब्लाक कटेहरी। हिंआ कइयौ जगह कै सड़क एकदम खराब होई गै बाय। जइसे कि मिझौड़ा से महरूआ जाए वाली सड़क तेरह किलो मीटर, तिवारीपुर से रायगंज जाए वाली पन्द्रह किलोमीटर सड़क बीस साल से बनीं बाय। दस साल से सड़क मा गड्ढ़ा-गड्ढ़ा भै बाय सड़क कै दुबारा मरम्मत आज तक नाय भै बाय। चुनाव के पहिले सब कहत रहिन जीत गये के बाद एक्कौ सड़क पै गड्ढ़ा न रहे लकिन जीतै के बाद केहूं षासन, प्रषासन, विधायक, मंत्री, सांसद ध्यान नाय देत हईन।
आवै जाए वाले मनई सुनील, षिवबहादुर, सृष्टि, दुर्गेष बताइन कि बरसात कै मौसम चलत बाय सड़क मा पानी भरा बाय। वही पानी मा घुसिके आवै जाए का पराथै साइकिल तौ लइके कबहौ कबहौ मनई गिर जाथिन। डिग्री कालेज मा पढ़ै जाए का रास्ता इहै बाय पढ़ै जाए वाली लड़किन साइकिल से गिर जाथिन। अगर सड़क कै दुबारा मरम्मत होई जात तौ ई नौबत न आवत।
पी.डब्लू.डी. विभाग कै इन्जीनियर अधिषांसी अभियंता सुग्रीवराम बताइन कि समस्या लिखवाय दियत हई जांच कराय के सर्वे कै जाये। तब सड़क कै मरम्मत होय। अउर तिवारीपुर से रायगंज कै सड़क अकबरपुर, मिझौड़ा चीनी मिल के कारण खराब भै बाय। कुछ पइसा चीनी मिल प्रषासन का देय का चाही तब सड़क कै मरम्मत होय पाये।