सड़क के पानी मोहल्ला में

जिला सीतामढ़ी, प्रखण्ड बथनाहा, पंचायत रूपौली रूपहरा, गांव कोईली गोट, वार्ड नम्बर तेरह। उहां महादलित टोला में सड़क के समस्या बहुत दिन से हई। लेकिन अभी तक इ समस्या पर कोनो अधिकारी के नजर न हई।
इहां के जगदेश मल्लिक, कामनी देवी, कौशिल्या देवी इ सब लोग कहलथिन कि इ सड़क के लेल हम सब बहुत कहली, लिखवा के देली लेकिन अभी तक कोनो सुनवाई न हई अउर इ समस्या हमरा सब के बहुत भाड़ी समस्या हई। काहे कि मेन सड़क बहुत उंच हई अउर इ रास्ता अउर इ मोहल्ला बहुत निच हई। त सड़क के सब पानी इहे मोहल्ला में  बह के अबई छई। वार्ड सदस्या पुकारी देवी के बेटा राजकुमार राउत कहलथिन कि इ सड़क के लेल हम लिख के कार्ययोजना में देले छी अउर पास भी हो गेल हई।
मुखिया श्रीकांत उर्फ बब्लू कुमार सिंह कहलथिन कि उ सड़क त पास हई। लेकिन जमीन के दिक्कत हई, उहां सब के निजी जमीन हई अउर रास्ता के लेल मात्र दु फिट जमीन हई। जबकि पांच-सात फिट रास्ता के लेल चाही। प्रखण्ड कार्यक्रम पदाधिकारी कहलथिन कि अभी हम इ समस्या के बारे में न बता सकई छी।