शौचालय बना देखै खातिर

rajapur copyजिला चित्रकूट, ब्लाॅक रामनगर, कस्बा राजापुर, बस अड्डा। हिंया शौचालय एक साल से बना हवै, पै अबै तक चालू नहीं भा आय। मड़ई शौचालय चालू करवावै खातिर राजापुर टाउन एरिया मा 15 जून का कहिन पै अबै तकै शौचालय चालू नहीं भा आय।
कस्बा के रानी, रूपादेवी का कहब हवै कि हिंया रोजै के हजारन यात्री आवत जात हवै। यहिसे आवै वाले यात्रिन का सबहिन से ज्यादा टट्टी, पेशाब के समस्या झेलै का परत हवै। मड़ई पेशाब करैं खातिर हिंया हुंवा जघा ढूढ़त फिरत हवैं। मनसवा तौ कउनौतान पेशाब कइ आवत हवैं, पै औरतन अउर लड़कियन का पेशाब करै के जघा नहीं मिलत आय। यहिसे हुंवा का शौचालय चालू होब जरूरी हवै। का देखै खातिर राजापुर टाउन एरिया वाले हिंया शौचालय बनवाये हवै। इनतान का शौचालय बनवाये मा तौ सरकारी धन का बंदरबांट होइगा हवै। अगर शौचालय चालू होइ जाये तौ हमार समस्या मा सुधार आ सकत हवै।
राजापुर टाउन एरिया के चेयरमैन लक्ष्मी प्रसाद वर्मा का कहब हवै कि शौचालय मा बिजली नहीं लाग हवै। जल्दी लगवाई जई।
ब्लाॅक कर्वी कस्बा सीतापुर। हिंया शैाचालय न होय से अमावश मा आवैं वाले बाहरी मड़इन का सबहिन से ज्यादा समरूा का सामना करैं का परत हवै।
कस्बा के रामस्वरुप सोनी अउर छोटू का कहब हवै कि हिंया लाखन मड़ई रामघाट घूमै खातिर आवत हवै।

rajapur souchalay copyउंई हिंया आके ढूढ़त हवैं कि कत्तौ शौचालय मिल जाये तौ टट्टी पेशाब खातिर समस्या न होय। अगर मड़इन का शौच करै का होत हवै तौ उंई दुइ किलो मीटर पैदल चल के रामघाट के शौचालय मा जात हवैं। दुकानदार तौ कइयौ दरकी कर्वी नगर पालिका मा कहे हन, पै उनके सुनवाई कउनौ नहीं करत हवै। मनसवन खातिर तौ पेशाब घर बना हवै, पै औरतैं पेशाब करै खातिर जघा ढूढ़त फिरत हवैं। या कारन से हिंया एक शौचालय बनब बहुतै जरुरी हवै। काहे से कि हिंया आवैं वालेन का सुविधा मिलै का चाही। जेहिसे उंई कहि सकैं कि चित्रकूट मा नींक हवै।

रिपोर्टर – तबस्सुम और सहोद्रा देवी