शुरु भेल कम्प्यूटर प्रशिक्षण

IMG_0073
कम्प्युटर सीखईत लोग

जिला सीतामढ़ी, प्रखण्ड डुमरा में दशरथ   माझी कौषल विकास योजना के तहत में महादलीत के कम्प्यूटर सिखायल जा रहल हई। इ प्रशिक्षण 19 दिसम्बर 2013 से षुरू कयल गेलई। जेई में पच्चास लोग के नामांकन हो गेल हई। अउर लोग के नामांकन हो रहल हइई। इ प्रशिक्षण ओशिस कैफे में चल रहल हई।
सिमरा गांव के अंजू कुमारी कहलथिन कि कम्प्यूटर सिखे चाहईले, सिख लेब त दोसरो के भी सिखायब। अभी त कम्प्यूटर के युग हई। अब त बच्चा-बच्चा के कम्प्यूटर विद्यालय में सिखायल जाई छई। हर जगह कैफे खुलल हई उहां भी लोग जाके  सिखई छथिन। अभी त हमरा सब के लेल सरकार कम्प्यूटर सिखाबे के लेल आदेष देलथिन। जयंति कुमारी, नविता कुमारी कहलथिन कि महादलीत के त सरकार रेडियो भी वितरण कलथिन। शिक्षक कर्ण षर्मा कहलथिन कि इ कार्यक्रम दशरथ माझी कौषल विकास योजना के तहत महादलित अउर अनुसुचित जाति के लोग के कम्प्यूटर सिखायल जतई। सिखे वाला के उम्र 18 वर्ष से लेके 35 होय के चाही। उनका सब के आवेदन के साथ में पासपोर्ट साईज के चार गो फोटो अउर जातिय,आय अउर पढ़ाई के सर्टिफिकेट के फोटो कॉपी  लगई छई। एक ग्रुप के तीन महीना सिखायल जतई। इ कार्यक्रम एक साल तक चलतई। सिखला के बाद कल्याण विभाग (बिहार सरकार) के द्वारा सब के प्रमाण पत्र भी देल जतई।