शादी से इन्कार करै पै करिन आत्मदाह

mahila mudda (1) w edजिला फैजाबाद, ब्लाक तारुन, मुंगीसपुर। हिंआ कै कक्षा नौ कै छात्रा 21 जनवरी का सुबह लगभग नौ बजे मिट्टी कै तेल डारिके आत्महत्या कै लिहिस। परिवार वाले के अनुसार लड़की पड़ोस के एक लड़का से प्यार करत रही। शादी से मना करै पै ई कदम अठाय लिहिस।

मृतक छात्रा प्रियंका कै महतारी अनीता अउर दादी कै कहब बाय कि प्रिंयका चन्द्रशेखर आजाद इंटर कालेज मा कक्षा नौ मा पढ़त रही। अकेल बिटिया रही उनका केहू निगरानी नाय करिस मुंह मांग। सामान दिया जात रहा। पड़ोस के ही एक लड़का से सम्बन्ध रहा। मोबाइल भी प्रियंका का दिये रहा ई सब जानकारी हमरे परिवार मा केहू का नाय रही। 20 जनवरी का पूरी रात प्रिंयका गायब रही। जब सुबह पूछताछ कीनगै तौ पता चला कि गांव के अर्जुन यादव के बेटवा से प्रेम कराथिन। अउर वसे शादी करै चाहाथिन। अर्जुन यादव का बुलाय के बातचीत तौ कीन गै वै कहिन कि हमार बेटवा सुल्तानपुर मा पढ़ाई कराथै। हम वसे पूछब। अउर शादी करै से मना कै दिहिन। शादी से इंकार करै पै प्रियंका मिट्टी कै तेल डारिके जलि गइन। जेसे घटना स्थल पै ही मउत होइगै।

लड़की कै चाचा हरीराम कै कहब बाय कि प्रियंका गर्भवती रहीं। अगर वै ई कदम न उठाये होती तौ हम उनके हक के ताई लड़ाई लडि़त।

तारून थाना प्रभारी महेश कुमार गोले बताइन कि शव का पोस्ट मार्टम के ताई भेजा गै रहा। रिपोर्ट आवै के बाद कउनौ कार्यवाही होये। परिवार वाले कउनौ बयान नाय दिहिन। जेसे रिपोर्ट आवै के बाद पता चले। अबहीं पीडि़त परिवार के तरफ से कउनौ रिपोर्ट नाय आय बाय।