शक के कारन लिखाइस रपट

जिला चित्रकूट, ब्लाक मानिकपुर, गांव भौंरी, पुरवा घनघना। हिंया का शिवमंगल कहिस कि मोर लड़की गीता 11 जुलाई से लापता हव। मोहिका हनुमान के लड़का जगन्नाथ के ऊपर शक हवै कि वा लड़की का कत्तौ लेवा लइगा हवै। यहिके रपट रैपुरा थाना मा लिखाइगे, पै लड़की का अबै तक कउनौ पता नहीं लाग।

शिवमंगल का कहब हवै कि लड़की गीता के उम्र सोलह साल हवै 11 जुलाई शाम चार बजे से गीता का कउनौ पता नहीं लाग मैं अपने रिश्तेदारन के घर मा पता करेंव पै वहिका कउनौ पता नहीं लाग। मैं शक के आधार मा जगन्नाथ के खिलाफ रैपुरा थाना मा रपट लिखाये हौ। थाना के पुलिस अबै तक लड़की का पता नहीं लगाइस हवै। जगन्नाथ के बाप हनुमान का कहब हवै कि मोर लड़का तौ घर मा हवै। शिवमंगल झूठै आरोप लगावत हवै। यहिसे हमहूं वहिके थानामा रपट लिखाये हन।

रैपुरा थाना के मुंशी मोहम्मद हनीफ खान का कहब हवै कि या मामला के छानबीन चलत हवै। यहिके बाद कारवाही कीन जई।