व्यापारियों का संगठन बना चित्रकूट में

जिला चित्रकूट, कस्बा कर्वी 21 मार्च का हिंया के व्यापारी चकरेही चौराहा मा जाम लगाइन रहै। ब्यापारी ओवर ब्रिज के नीचे सड़क बनावे का अउर ब्यापारी राहत कोष खातिर मांग करत रहै। तबै मौके मा ए.डी.एम नरेन्द्र सिंह ब्यापारिन के समस्या खतम करै का भरोसा दिहिन हवैं। 17 मार्च का ब्यापारी बैठक करिन हवै जेहिमा सब ब्यापरिन का पहिचान पत्र दीन गा हवै।
ब्यापार मण्डल के राष्ट्रिय अध्यक्ष शानू गुप्ता का कहब हवै कि हम हम ब्यापारी आठ साल से ब्यापारी राहत कोष के मांग करत हवै पै हमार सुनवाई नहीं भे आय। एक-एक दुकान मा करोड़न का नुकशान भा हवै पै ब्यापरिन का एकौ मुआवजा नहीं मिला आय।
ब्यापारिन का ब्यापारी पहिचान पत्र दीन गा हवै। जेहिमा उनका अलग पहिचान मिल सकै।ओवर ब्रिज के नीचे सडक नहीं बनवाई जात हवै जेहिसे व्यापारिन के व्यापार 25 प्रतिशत रहि गा हवै। साढ़े तीन साल से हम या समस्या का झेलित हन।
व्यापारी राजेन्द बताइस कि व्यापारी पहिचान होइ। व्यापारी पहिचान पत्र निर्वाचन के समय आई डी फ्रूफ का काम भी करी।

रिपोर्टर- नाजनी रिजवी

29/03/2017 को प्रकाशित