व्यवस्था में कमी के कारण हंगामा

विद्यालय में जामल तेल देखईत लोग
विद्यालय में जामल तेल देखईत लोग

जिला सीतामढ़ी, प्रखण्ड रीगा, पंचायत बुलाकीपुर, गांव नजरपुर। उहां मध्य विद्यालय में मध्याहन भोजन, छात्रवृति पोषाक राशि वितरण न होय के कारण बच्चा अउर ग्रामीण 6 जनवरी 2015 के हंगामा कलथिन।
उहां के अनिश कुमार, इंदल राय, वैधनाथ साह कहलथिन कि ऐई विद्यालय में हेड मास्टर कोम्हरा के सब्जी अउर जामल सरसो तेल बच्चा के खियबई छई। जेईसे बच्चा के तबियत खराब होये के डर हई। छात्रवृति अउर पोषाक राशि के लेल लगभग महिना दिन पहिले हस्ताक्षर करवा लेले छथिन लेकिन वितरण न कयले छथिन। ऐई सब के लेल हंगामा भेलई।
प्रधानाध्यापक सुनिल कुमार कहलथिन कि एक दिन कोम्हरा के सब्जी बनल रहलई। अब न बनतई अउर खराब तेल दुकनदार दे देले रहई। अब इ समस्या न होतई। पोषाक अउर छात्रवृति के लेल आदेश आयल रहई कि पहिले हस्ताक्षर करावे ला। फेर सूचना अलई कि वितरण के समय हस्ताक्षर करावे ला। पहला-दुसरा वर्ग के रूपईया आयल हई लेकिन अब सब वर्ग के अतई त वितरण करब।
प्रखण्ड शिक्षा पदाधिकारी इस्लाम अंसारी कहलथिन कि व्यवस्था में कमी के जांच करई छी। जे त्रुटी पायल जतई उ लिखल जतई। लेकिन ब्राण्डेड तेल अउर हरा सब्जी देवे के हई।