विभाग से करै मांग

gonvजिला फैजाबाद ब्लाक तारून, प्राथमिक विद्यालय दांदूपुर। यहिके स्कूल मा खाना बनावै वाला तावा टूटा बाय। जेसे लपक ऊपर निकराथै। हाथ जल जाथै। दूसर तावा कै प्रधानाध्यापक से मांग करिन।
प्राथमिक विद्यालय कै रसोइया गायत्री, मन्टोरा ऊषा अउर जूनियर कै सुमित्रा बताइन कि रोटी बनावै वाला तावा मा छेद होइगा बाय। पूरे तावा के ऊपर से लपक निकराथै। रोटी बनावै पै हाथ जरि जाथै। केतना बार यहिके प्रधानाध्यापक से कहिगा लकिन ध्यान नाय देते। कहाथे बजट नाय बाय। खाना हमरे सब रोज बनाई कइयौ नागा नाय हुवय का चाही। जइसै मन कहै जलि भुनि के बनावै का पराथै। खाना बनावै मा तौ हमरे सबका दिक्कत हुआथै।
प्रधानाध्यापक सुरेन्द्र कुमार वर्मा बताइन कि बजट नाय बाय यही से दिक्कत बाय। बिना बजट कै कवन मेर खरीद कै लाई।