विधायक निधि से पास रास्ता

जिला चित्रकूट, ब्लाक रामनगर, गांव रेरूवा का मजरा बुधवल। हिंया के रास्ता लगभग एक किलो मीटर दस बरस से खराब हवै। यहिके खातिर प्रधान विजयपाल 15 दिन पहिले से कहा गा हवै।
हिंया के रहैं वाले रेखा अउर मातादीन का कहब हवै कि हमरे हिंया के रास्ता खराब हवै। हमार छोट-छोट बच्चन का स्कूल जाये खातिर अउर खेलै खातिर परेशानी रहत हवै। काहे से कि मड़इन के घर के निस्तार का पानी दुआरे मा भरा रहत हवै। या कारन कीड़ा मकोड़ा के काटैं का डेर बना रहत हवै। गन्दगी भी ज्यादा रहत हवै। या कारन मच्छर लागत हवैं। यहिसे बिमारी भी फइलत हवै। दुआरे मा बइठ भी नहीं सकत आहिन। बरसात मा तौ अउर ज्यादा समस्या होत हवैं। रास्ता बनवावैं खातिर प्रधान से कहे हन। अगर रास्ता बन जात तौ या सबै समस्या से न जूझै का परी।
प्रधान विजयपाल का कहब हवै कि रास्ता बनवावैं खातिर तीन महीना पहिले विधायक निधि कइती से पास होइगे हवै। अब जल्दी से जल्दी रास्ता बनवा दीन जई।