विद्युत मोटर उठ जाए मा धरना

kisan dhrna ararजिला बांदा, अतर्रा। या क्षेत्र के सैकड़न किसान 8 नवम्बर 2015 का दुपहरी के लगभग एक बजे किसान यूनियान के राष्ट्रीय अध्यक्ष विमल कुमार शर्मा के अगुवाई मा बिजली विभाग उपखण्ड कार्यालय अतर्रा मा बहुतै गुस्सा के साथ जोरदार प्रदर्शन कइके धरना करिन अउर नारा लगाइन। किसान या देख बिजली विभाग का एस.डी.ओ. जेई अउर कारमचारी चैकन्ना रही गे।
किसान यूनियन के राष्ट्रीय अध्यक्ष विमल कुमार शर्मा सहित सैकड़न किसानन का कहब है कि पिपरहरी गांव मा किसान विद्युत लाइन से सिंचाई कइ लेत रहैं, तौ बिजली विभाग के करमचारी मोटर उठा लाए हैं अउर रूपिया मांगत रहै। रूपिया न दें मा हम किसानन के ऊपर मुकदमा लगावैं के धमकी दिहिन है। अब हमार रवि के फसल अउर धान के फसल सुखान जात है। यहिसे हम लोग आज हेंया धरना प्रदर्शन कीन है। किसानन के नेता लक्ष्मीकांत, राजा, अरूण गौतम, राकेश गौतम मनीष, भुनेश्वर अउर राम किशोर कहिन कि हम लोग किसान मड़ई खेत मा हरी भरी फसल देख के ही जियत हन। ऊपर से बैंक का कर्ज भी लदा रहत है। या साल भगवान सूखा ही डार दिहिस। जउन कुछ फसल सिंचाई से कइ सकत हन तौ बिजली विभाग के अधिकारी नहीं करैं देत आय। या मारे हम लोग अपने अध्यक्ष के साथैं धरना प्रदर्शन कीन है। अगर मोटर वापस न कीन जई तौ आगे कारवाही करब।
अतर्रा बिजली विभाग का एस.डी.ओ. रावेन्द्र कुमार किसानन का पिपरहरी गांव के लाई गे मोटर वापस करैं अउर मुकदमा न लगावैं का भरोसा दिहिन हैं। तबै उंई आपन धरना शांत करिन हैं।