विद्यालय में पानी, बच्चा के परेशानी

विद्यालय में भरल किचर अउर पानी
विद्यालय में भरल किचर अउर पानी

जिला शिवहर, प्रखण्ड तरियानी, पंचायत छतौनी राजकियकृत मध्य विद्यालय विशनपुर फकीरा। इहां विद्यालय के फिल्ड नीच होय के कारण तईको बरसात में फिल्ड में पानी अउर किचर भर जाई छई। जेई कारण जाये-आवे अउर बच्चा सब के खेले में दिक्कत हो जाई छई।
ऐई विद्यालय के विद्यार्थि भरत कुमार, विभा कुमारी कहलथिन कि इ विद्यालय के फिल्ड नीच हई जेई कारण बरसात में पानी, किचड़ हो जाई छई अउर पैर पिछल जाईत रहई छई।
प्रधानाध्यापक अर्जून लाल सिंह कहलथिन कि मिट्टीकरण के लेल एक साल पहिले मुखिया के पास आवेदन भी देले रहई। बी.डी.ओ. भी एक बेर देखे आयल रहथिन त कहलथिन कि मिट्टीकरण के आवश्यकता हई लेकिन अभी तक कहां भरलई।
प्रखण्ड शिक्षा पदाधिकारी अमोद कुमार कहलथिन कि विद्यालय के मिट्टीकरण के रूपईया न अबई छई। पंचायत से मनरेगा के तहत भरायल जाई छई।
कार्यक्रम पदाधिकारी अजय सहाय कहलथिन कि नवम्बर में ग्राम सभा होतई त ओई में विद्यालय के समस्या रखल जतई अउर मनरेगा के तहत काम करायल जतई।