विज्ञान के खोज में विद्यार्थी

प्रतियोगिता में शामिल विद्यार्थी
प्रतियोगिता में शामिल विद्यार्थी

जिला शिवहर के श्री रामखेलावन जंगी उच्च विद्यालय में बाल विज्ञान काॅग्रेस की प्रतियोगिता कयल गेलई। जेई में एक सौ बीस विद्यार्थी भाग लेले रहथिन। ऐकर उद्घाटन डी.एम. विनोद नारायण सिंह कलथिन।
ऐई प्रतियोगिता में विद्यार्थी मौसमी कुमारी, नेहा कुमारी, अजित कुमार कहलथिन कि मौसम, जलवायु अउर कृषि के आधार पर लोग सब कईसे लाभ अउर हानी पहुंचई छई। ऐई के बारे में हमरा सब के चित्र, लिखित अउर मौखिक द्वारा बतावे के हई।
राजकीय मध्य विद्यालय बसहिया के शिक्षक बिरेन्द्र बैठा कहलथिन कि जिला के हर मध्य अउर उच्च विद्यालय से चार विद्यार्थी भाग लेल छथिन अउर देख-रेख के लेल हर विद्यालय से एक शिक्षक भी आयल छथिन।
शिक्षक यामुन प्रसाद गुप्ता अउर मंच संचालन समन्यवक अनिल कुमार सिंह कहलथिन कि ऐई पांचों प्रखण्ड के छौ वर्ग से लेके दस वर्ग तक के लड़का-लड़की भाग लेले छथिन। इ हर साल होई छई। जेकर प्रोजेक्ट अच्छा होतई ओकरा जिला स्तर पर चयन कयल जतई। तब राज्य स्तर पर भेजल जतई। उहां पर जे विद्यार्थी चयनित होईथिन उनका राष्ट्रीय पुरस्कार से सम्मानित कयल जतई। अभी दस बच्चा जिला में चयन कयल गेलई।