विकास खातिर दिहिन ज्ञापन

Exif_JPEG_420जिला चित्रकूट, ब्लाक कर्वी, गांव खोह। हिंया के मड़ई 31 मई का पानी, बिजली, शौचालय, सफाई अउर राशन कार्ड का लइके धरना प्रदर्शन करिन अउर एस. डी. एम. का ज्ञापन दिहिन। ज्ञापन दें मा लगभग दुइ सौ मड़ई शामिल रहै।
हिंया के राम औतार, गंगा प्रसाद अउर अवधेश का कहब हवै कि बिजली कनेक्शन के कैम्प लगा के अउर राशन कार्ड के सर्वे होय के बाद पात्र मड़इन का दीन जाय टैंकर के पानी पूर दलित लोगन का नहीं मिल पावत हवै। हम लोगन का सबै सुविधा नहीं मिल पावत हवै। जबै कि डी. एम. या गांव गोद लीने हवै। जबै भी सफाई नहीं होत।
जिला पंचायत  राज विभाग के बड़े बाबू जगदीश का कहब हवै कि सफाई करमचारी कम हवैं। यहिसे वा गांव मा सफाई नहीं कइ सकत हवैं। डिस्टिक क्वाडीनेटर महेन्द्र सिंह का कहब हवै कि जहां हैण्डपम्प खराब हवै तौ बनवावा जई। जउन रिबोर मा हवै रिबोर करवावा जई। जिला पूर्ति विभाग के खाद्यान्न क्षेत्राधिकारी देवी प्रसाद विश्वकर्मा का कहब हवै कि अन्त्योदय कार्ड धारक का दुबारा से सर्वे कीन जई।

रिपोर्टर – नाजनी रिजवी