विकास के उम्मीद अबै भी

chitra tajaजिला चित्रकूट, ब्लाक रामनगर, गांव भखरवार। हिंया कउनौ विकास नहीं आय। मड़इन का कउनौ भी सरकारी योजना का लाभ नहीं मिलत आय।
गांव के राजकरन यादव अउर रमाकांत का हैण्डपम्प खराब हवै। पानी के बहुतै समस्या हवै। मड़ई पियै खातिर पानी का तरसत हवै। पानी बिना घर का काम रुका रहत हवै। हैण्डपम्प बनवावै खातिर ब्लाक मा 4 जनवरी का लिखित दीन गे रहै, पै अबै तक हैण्डपम्प नहीं बनवावा गा आय ।
दिनेष पाण्डेय का कहब हवै कि नाली नहीं बनी आय। यहिसे हमरे घरन के दुआरे गंदा पानी भरा रहत हवै। गंदा पानी भरा होय के कारन दुआरे के लगे बइठब मुष्किल रहत हवै। प्रधान नाली बनवा दे तौ समस्या खतम होइ सकत हवैं।
प्रभाकांत का कहब हवै कि खड़ण्जा के समस्या हवै। खड़ण्जा न बना होय के कारन रास्ता मा बारह महीना कांदौ भरा रहत हवै। छोट बच्चा अउर बूढ़ मड़ई कांदौ मा गिर जात हवैं। यहिसे बच्चन के कपड़ा खराब होइ जात हवैं। पात्र लोगन का समाजवादी पेंषन नहीं मिलत आय।
प्रधान राजेष पाल का कहब हवै कि अब  अपने गांव मा हर विकास के काम करवइहौं। पात्र मड़इन का पेंषन के व्यवस्था करिहौं। रामनगर ब्लाक के ए.डी ओ. चंद्रभान गुप्ता का कहब हवै कि अब बजट अई तौ प्रधान से कहिके गांव मा विकास करवावा जई।