वर्मी कम्पोस्ट बनाउ लाभ ही लाभ पाउ

चेक देईत कृषि पदाधिकारी
चेक देईत कृषि पदाधिकारी

सीतामढ़ी जिला कृषि कार्यालय में 15 जनवरी 2015 के तेरह किसान के वर्मी कम्पोस्ट के लेल अनुदान राशि पंद्रह हजार के चेक कृषि पदाधिकारी वितरण कलथिन। इ लाभ बैरगिनिया प्रखण्ड, गांव शिवनगर के किसान के देल गेलई।
लाभ लेवे आयल किसान गणेश चैधरी, रमेश चैधरी, किस्मत देवी कहलथिन कि हम सब तीन साल से वर्मी कम्पोस्ट के खाद बना के फसल में उहे खाद डालई छी। जेईसे बहुत ज्यादा उपज होई छई।
जिला कृषि पदाधिकारी प्रवीण झा कहलथिन कि एक इकाई वर्मी कम्पोस्ट में तीन हजार रूपईया देल जाई छई। ऐईसन पांच गो कम्पोस्ट बनाके कम्पोस्ट केचुआ डालके बनायल जतई। उनका पंद्रह हजार अनुदान राशि देल जा रहल हई। पहिले किसान वर्मी कम्पोस्ट बनाके प्रखण्ड में आवेदन करई छथिन त प्रखण्ड से जांच करके जिला में रिपोर्ट भेजई छथिन। तब जिला से लाभ देल जाई छई। ऐई साल 3549 कम्पोस्ट के लक्ष्य हई जेईमें 2551 इकाई वर्मी के चेक वितरण हो चुकल हई। सबसे ज्यादा नानपुर प्रखण्ड लक्ष्य में आगे अलई।