वजीफा न मिलै से परेशान

KASBA
जिला बांदा, ब्लाक बबेरू, कस्बा बबेरू, मोहल्ला गांधी नगर। हेंया के आदर्श शिशु मंदिर मा पढ़ै वाली बिटिया सहाना का सन 2011-12 का वजीफा नहीं मिला आय।
सहाना के महतारी मीना खातून बताइस कि हम गरीब मड़ई मेहनत मजदूरी कइके बिटिया का पढ़ावत हन। साथै परिवार का खर्च चलाइत हन। पूरा दिन रजाई तागै का काम करत हैं। सरकार कइत से बिटिया का आठ तक के पढ़ाई मा वजीफा मिला है। दुई साल से वा भी बन्द है। मनसवा लल्लू खान कहत है हमरे पास एकौ बिसुवा जमीन निहाय। बिटिया का वजीफा मिल जात रहै तौ वहिके कापी-किताबन का कुछ सहारा होई जात रहै तौ वा भी नहीं मिलत आय।
आदर्श शिशु मंदिन इण्टर कालेज बबेरू के प्रधानाचार्य देवलाल कहत हैं कि पिछले साल का वजीफा अल्पसंख्यक समुदाय मा कउनौ भी बच्चा का नहीं मिला आय। जबै कि अनुसूचित अउर पिछड़ी जाति के वर्ग मा सबै बच्चन का वजीफा मिल गा है। मैं यहिके खातिर कइयौ दरकी पता कीन हौं, पै यहै जवाब मिला है कि शासन से वजीफा नहीं आवा। अगर आई तौ साधे बच्चन के खाता मा जई।