लोहिया गांव मा नाली नहीं

chi 1 (5) taza 2जिला चित्रकूट, ब्लाक कर्वी, गांव भारतपुर। या गांव सन् 2013- 14 मा डाक्टर राममनोहर लोहिया गांव होइगा हवै, पै कंचन पहाड़ का पानी निकरै अउर मड़इन के घरन के निस्तार का पानी निकरै खातिर नाली नहीं बनी आय।ं
गांव के गायत्री, सुधीर का कहब हवै कि बरसात मा पहाड़ का पानी निकरैं खातिर नाला नहीं बना आय। मड़इन के घर के निस्तार का पानी जाये खातिर नाली भी नहीं बनी आय। गांठिन गांठिन कंादौं हइल के निकरैं का परत हवै। बारह महीना कांदौ भरा रहत हवै। कहै का तौ या गांव लोहिया हवै, पै काम कुछौ नहीं होत आय।
पप्पू अउर कामता प्रसाद कहत हवैं कि बरसात मा करिहां से पानी भर जात हवै। हमार घर भी गिर जात हवंैै। हैण्डपम्प से पानी लइके निकरत हन तौ गंदे पानी के छींटा बाल्टी मा पर जात हवंै। पहाड़ का पानी निकरैं खातिर नाला अउर बस्ती मा नाली बनवावैं खातिर प्रधान सावित्री देवी से 29 जनवरी का कहे हन।
प्रधान सावित्री देवी के मनसवा राजू नैन का कहब हवै कि मड़इन के भूमिधरी जमीन आय। मड़ई नाला बनवावैं खातिर जमीन दें का नहीं तैयार होत हवंै। नाली बनवावैं खातिर एक महीना पहिले पास होइगे हवै। बजट आवैं वाला हवै तौ नाली बनवाई जई।
जिला पंचायत राज अधिकारी हरि सहाय का कहब हवै कि मार्च तक बजट अई तौ भारतपुर मा विकास होइ।