लाठी-डंडों से शुरु हुई लड़ाई बंदूक की गोली पर हुई खत्म, देखे चित्रकूट का हाल

चित्रकूट जिला के ब्लाक मानिकपुर के अगरहुंडा गांव मा होली के दिना दुई पक्ष मा थोड़ी से बात का लइके कहासुनी बहुतै बड़ी लड़ाई मा बदल गें हवै। लाठी-डंडा से शुरू भे लड़ाई बंदूक के गोली माँ जाके खतम भे हवै। बंदूक के गोली से मड़ई तौ नहीं पै एक बछिया घायल होइगें हवै। सीओ सुरेश प्रसाद शर्मा का कहब हवै कि लड़ाई के कारन का पता नहीं चला आय, जांच के बाद कारन का पता चली।
दिनेश कुमार का कहब हवै कि हम मामा के हिंया गये रहेन, जबै वापस आके देखा तौ हमार चाचा का मार के गिरा दिहिन रहै। जबै हम गयें तौ हमें भी तीस पैंतिस मड़ई मिलके लाठी-डंडा से मारिन हवैं अउर मोर सोने के जंजीर खींच लीन हवै। असलहा से फायर भी करत रहै। फायर करै वाले का नाम पहलवान हवै।
पड़ोसी उदय सिंह बताइस कि दारू पी के मारपीट करिन हवै जेहिमा एक जानवर के गोली लाग हवै। संजय देवी का कहब हवै कि दुश्मनी नहीं रहि आय। मड़ई निमन्त्रण मा आये रहै, तबै हुंवा लड़ाई भे हवै। पड़ोसी बीच-बचाव मा लाग रहैं।
विपक्षी दुर्गा प्रसाद का कहब हवै कि मैं ग्राम सभा का सदस्य आहूं। हम रपट लिखावै गये हन पै कउनौ कारवाही नहीं भे आय।

रिपोर्टर- सहोद्रा

Published on Mar 6, 2018