ललितपुर जिला के महरौनी ब्लाक में मौसमी बीमारी का बढ़ता प्रकोप…

जिला ललितपुर, ब्लाक महरौनी इते मौसमी बीमारी को प्रकोप बढ़त ही जा रओ आदमी गांव में इलाज करवा करवा के थक गये अब महरौनी सामुदायिक स्वास्थ केंद्र जा रए सब आदमी इलाज कराबे के लाने।
मुन्नालाल ने बताई के हमे मामा को इलाज करवावे आय उन्हें खांसी आ रही दो महीना से हमने इलाज मुड़ारा महरौनी ललितपुर सब जघा करवा लओ आराम ही नई हो रओ।
प्यारे लाल ने बताई के हमे खांसी आ रही पंद्रह दिन से इलाज करवाबे आय महरौनी स्वास्थ केंद्र में।
विनीता ने बताई के चार पांच दिन से बुखार आ रओ डॉक्टर को दिखाओ सो डॉक्टर ने मलेरिया और पीलिया बताओ अब बई की दवाई दई।
मालती ने बताई के बुखार हे पूरे शरीर में दर्द हे हाथ पांव पिरा इलाज भी करवा लओ कछु आराम नई हो रओ।
नाथू लाल ने बताई के हमे स्वास की बीमारी हे। हमने ललितपुर, टीकमगढ, नौ गांव, ईशागढ सब जघा करवा लओ कोनऊ आराम नई हो रओ हमे।

रिपोर्टर- सुषमा

15/10/2016 को प्रकाशित