ललितपुर के गौना गांव में राशन कार्ड के लिए लोग कर रहे इंतज़ार

जिला ललितपुर, गांव गौना इते के गांव वालेन को कैबो हे के प्रधान ने रुपईया भी लये लेकिन अबे तक नई बनवाए राशनकार्ड।
रामेंश्रा बाई ने बताई के हमाय छोटे मोड़ा से चार हजार लए और बड़े मोड़ा से पांच हजार लए के रए ते के तुमाओ कालोनी और शौचालय बनबा देहे। कछु नई बनबाओ। हमाय मोड़न ने बड़ी मुश्किल से तो रुपईया कमा के लेयाय ते।
राम रानी ने बताई के हमाय पांच हजार रुपईया ले लए और कह रए ते के कालोनी बनबा देहे। हम तो बेसेई गरीब हे। बीड़ी बना के मोड़ी मोड़ा पाल रए। जय कुमारी और ममता बताई के कत के बन जेहे राशन कार्ड ऑनलाइन कर देत और आ जात सो कोटेदार और प्रधान कटवा देत। कत के उनके तो सब कछु हे।
तेल लेबे जाओ सो कत तुमाओ राशन कार्ड नईया का से देबे। शक्कर,चावल,गेंहू कछु नई मिलत। तेल अकेलो लेबे जाओ सोई तो तेल कि किपिया फेक देत।
सोनू राजा प्रधान ने बताई के हमाय ते सबके राशन कार्ड बन गये। सौ दो सौ एसे हे अबे जिनके नई बने। अबे पतो नईया कितनो टेम लगे बानबे में। अबे साइड लॉक हे।
रिपोर्टर- राजकुमारी 
24/08/2016 को प्रकाशित

ललितपुर के गौना गांव में राशन कार्ड के लिए लोग कर रहे इंतज़ार