लड़की बरामद करैं के फरियाद

banda asp mahila mudda khabar photoजिला बांदा, तिन्दवारी थाना का एक गांव। 9 नवम्बर 2015 का एक औरत एस.पी. का दरखास दइके अपहरण कीन गे आपन नाबालिग लड़की का जल्दी ढ़ूढ़ैं के गोहर लगाइस। एस.पी. नियाव का भरोसा दिहिन हैं।
औरत का कहब है-“रोज के जइसे मोर सत्रह साल के लड़की दिन के ढाई बजे कोचिगं पढ़ै गे रहै। तबै से घर वापस नहीं आई। जबै देर रात तक घर नहीं आई तौ बहुतै ढूढ़ैं के कोशिश कीन। न मिलैं मा चिल्ला थाना मा जलंधर उर्फ राहुल, मनीष अउर लोटन के खिलाफ रपट लिखावैं गये रहन, पै रपट नहीं लिखी गे। हमै पता चला कि जलंधर उर्फ राहुल, मनीष अउर लोटन साजिशन मनीष (निवासी गांव महवा, थाना ललौली, जिला फतेहपुर) के साथै गायब करा दिहिन हैं। काहे से इं गायब करैं के पहिले भी कोशिश कई चुके हैं। इनसे हमार पुरान दुश्मनी भी है। हम चिल्ला थाना अउर ललौली थाना रपट लिखावैं गयेन तौ पुलिस प्रेम प्रसंग का मामला कहिके रपट नहीं लिखत। उल्टा हमैं डांट के भगा दिहिस। हम 29 अक्टूबर का डी.आई.जी. बांदा, राष्ट्रीय महिला आयोग लखनऊ का रजिस्ट्री भेज चुके हन। एस.पी. भी हमार नहीं सुनत आय।”
एस.पी. आर.पी. पाण्डेय का कहब है कि या मामला के कारवाही चलत है। लड़की का बरामद करैं के बराबर कोशिश जारी है। उम्मीद है कि जल्दी ही कारवाही पूरी होई जई।