रैन बसेरा मा रहाथिन कर्मचारी

DSC_0000068जिला अम्बेडकर नगर। जिला अस्पताल के बगल मा रैन बसेरा दुई साल से बना बाय। मरीज के परिवार वाले का रहै खाय कै जगह नाय बाय। लकिन अबहीं तक उद्घाटन नाय भै बाय अउर वहमा एम्बूलेंस कर्मचारी रहाथिन। एम्बूलेंस कर्मचारी का रहै खातिर कउनौ अउर व्यवस्था नाय बाय।
मरीज कै परिवार रवि कुमार, पियूष, षान्ती बताइन कि जब मरीज लइके आई थी तौ भर्ती भये के बाद खाना बनावै रहै खातिर यहरी वहरी भटकै का पराथै। रैन बसेरा बना बाय जेहमा 102 अउर 108 एम्बूलेंस कर्मचारी रहाथिन।
एम्बूलेंस कर्मचारी जैनेन्द्र कुमार मिश्र, अजय प्रताप, अषोक गुप्ता 102 नम्बर कै कर्मचारी बताइन कि हमरे सबका रहै का कउनौ व्यवस्था नाय बाय। गाड़ी के अलावा कुछ भी व्यवस्था नाय बाय। कहां रही कहां बनाई खाई। 17 जनवरी 2014 से रहा थई। कइयौ दांय आवास कै मांग कइगा लकिन केहू षासन प्रषासन ध्यान नाय देतिन।
सी.एम.ओ. डाक्टर मेजर बी.पी.सिंह बताइन कि जल्द ही रैन बसेरा मरीज के परिवार खातिर खाली कराय जाये। एम्बूलेंस कर्मचारी के रहै के ताई व्यवस्था कै जाये।