रूपईया के कारण काम बंद

समस्या बतबईत रेखा अउर गीता
समस्या बतबईत रेखा अउर गीता

जिला सीतामढ़ी, प्रखण्ड रीगा, पंचायत, गांव पकड़ी। उहां लगभग तीन आदमी के मिट्टीकरण न भेल हई। जेई कारण बहुत दिक्कत होई छई।
उहां के रेखा देवी, गीता देवी, नरेश ठाकुर कहलथिन कि हमर सब के दूरा नीच हई। जेई कारण वर्षा तईको होई छई त पानी लाग जाई जाई छई। जेई कारण आदमी अउर माल जाल सब के बड़ा दिक्कत रहई छई। मिट्टी भरावे के लेल लगभग एक साल पहिले नाम लिख के ले गेल। लेकिन कहां भरलई। ऐई महंगाई में अपने से न भरवा सकई ले।
मुखिया रामसोमारी देवी के पति कन्हाई सहनी कहलथिन कि पिछला साल लगभग सतर लाख तक के काम भेल रहई। जेईमें कुछ लोग अपने से कुछ लोग ठिकदार के द्वारा काम करवयले रहई। लेकिन रूपईया दस लाख ही अलई। जेई कारण कुछ लोग के रूपईया न मिललई। उ लोग हमेशा मांग करई छथिन ऐई के लेल अभी काम न करवा रहल छी।
मनरेगा कार्यक्रम पदाधिकारी कृपाशंकर झा कहलथिन कि मनरेगा में काम के आधार पर रूपईया अबई छई। अभी त केन्द्र सरकार ही रूपईया न भेजई छथिन जेई कारण पंचायत में न जा रहल हई।